Reader’s poem on TRAPOs
Posted at 11/06/2009 5:03 PM | Updated as of 11/06/2009 5:04 PM
Lagi kong naririnig TRAPOng salita
Sabi ni kaka TRAPO daw ay masama
Kaya ako ay nagtanong dahil nabahala
Baka katabi ko na ang TRAPOng malaswa
Hinanap kong maigi TRAPOng sinasabi
Madali pala silang makita at mawaksi
Kahit pikit ang mata'y ikaw ay makakasaksi
Ang basurang hinahanap hindi pala nagkukubli
TRAPOng sinasaliksik kung saan-saan makikita
Sa kanto lang ng iyong mata sila ay mabibista
Obserbahan dahilan sila ay dadami pa
Sapagkat halalan ay nangangamoy na tuwina
Aking napansin nagkalat mga BIMPO
Mga Batang Itinulak ng Magulang sa Politiko
Sangguniang Kabataan ang tawag din dito
Walang natutunan sa TRAPO kung 'di mangotso
BIMPO ay bihasa sa tinuro ng TRAPO
Sistema nilang nilalangaw pamana nito
Sa mangmang na pag-iisip sila ay nagapo
Kawawang Bimpo pati tayo ay apektado
Kultura na nga ba ng mga Pilipino
Tanggapin na lang ng walang pagiimbot ito
Hindi ko mawari kung sino umimbento
TRAPOng sistema pahirap sa mga tao
Pakiusap sana huwag TRAPO iboto
Tignan ang nakaraan baka may may pagmanahan ito
Pumili maglilingkod at tunay na serbisyo
Sa bayan natin ay handang magsakrepisyo.
By Multiply user Tungkol sa
Boto Mo iPatrol Mo Multiply page
http://botomoipatrolmo.multiply.com
Printer-friendly version
Send to friend
Share your views
RE
Pakisingit nga ito kung pwede..
Bansang Pilipinas talamak sa hirap
Dahil sa mga Trapo kahit saan nagkalat
Pagtibayin natin masugpo silang lahat
Bansang Pilipinas makakaahon sa hirap.
Magkaisa tayu para sa tagumpay
Ating bandila halinat iwagayway
Dalhin sa malakanyang at iharap sa trapo
At patalsikin ang pamilya Arroyo