KC, nagpa-sexy sa magazine pictorial

Agaw-atensyon ang mga statement hats ng guests at celebrities sa birthday celebration ng host na si Tim Yap.

May sporty, English at vintage hats at may over-the-top sa laki.

Wagi naman ang mga headdress ng modelong sina Georgina Wilson at ni Isabelle Daza na sinuot mismo ang Miss Universe crown ng ina niyang si Gloria Diaz.

“She was hesitating pa pero go. She was supportive naman,” sabi ni Isabelle.

Spotted din ang kalalaya lang mula Hong Kong na si ex-congressman Ronald Singson.

Hindi man sabay dumating, hindi naman mapaghiwalay ang mambabatas sa nauugnay sa kanyang si Lovi Poe.

“We're friends, we're taking it slow. ‘Yun ang napag-usapan namin,” sabi ni Ronald.

Proud big sister naman si KC Concepcion sa 17 anyos na kapatid sa ama na si Cloie sa dating aktres na si Jenny Syquia.

“Kung saan siya masaya, I want her to explore in the same way na nag-explore ako. Mahal ko 'to eh,” sabi ni KC.

Pero ang hot issue kay KC, ang mapangahas niyang magazine pictorial.

Kita ang sexy asset ni KC na pinaluputan ng umano’y totoong python habang hawak ang ulo ng lalaki.

“Papa-insure ko na nga ito,” biro ni KC.

Mas palaban na nga ang aktres kasunod ng matinding unos sa kanyang love life matapos ang breakup nila ni Piolo Pascual.

“Tuluy-tuloy lang naman ang buhay, with every mistake, you change for the better and you try to be the best person you can be,” sabi ni KC.

Tuloy din ang hamon sa career ni KC na tampok sa bagong talent search show na “X-Factor Philippines.”

Share your views