Grace Lee, may sorpresa para sa kaarawan ni PNoy

Sa una’y nabigla pa ang Korean TV host na si Grace Lee nang makorner namin kanina sa Ortigas.

Ito’y sa kanyang private meeting sa manager niyang si Arnold Vegafria.

Ilang araw na nilang tinatanggihan ang media mula nang pumutok ang pagkakaugnay niya kay Pangulong Noynoy Aquino.

Pero ilang sandali pa, naging magiliw na itong nagkomento sa headline news sa pagkumpirma ni PNoy na nagde-date sila.

Ayon kay Grace, bago pa lang silang nagkakilala ni PNoy, na una niyang naka-engkwentro nu'ng Hunyo 2011 sa Cebu.

“We are dating. We are starting so sana everyone would give us time and space to know each other more. To be liked by a man who leads a country is very flattering but of course I’m worried and my family is worried also on the public attention. I just didn’t think it would happen this fast,” sabi ni Grace.

Lee Kyung Hee sa tunay na buhay, 10 taon pa lang si Grace nang mag-migrate ang kanyang pamilya mula Korea sa Pilipinas noong dekada 90.

Nag-graduate ng Interdisciplinary Studies, Communication and Chinese studies si Grace sa Ateneo de Manila University.

Inamin ni Grace, ang una niyang inisip ang sasabihin ng publiko sa isyu ng pagkakaiba nila ng lahi ni PNoy.

“I was kind of worried about that but ‘yun nga eh, it’s the reason why I fell in love with the Philippines in the first place, so accepting and so understanding,” sabi ni Grace.

Nagsilbi siyang Korean interpreter sa Malacañang noong 2005 at nagkaron ng iba't-ibang TV at radio shows.

Hindi raw niya akalain na pagtatagpuin sila ni PNoy.

"He’s such a gentleman. When he acknowledged it, I think it was out of respect to me because he doesn’t need this but he did and that tells you a lot about what kind of man he is. He’s such an inspiring character,” sabi ni Grace.

Natawa lang si Grace sa isyu ng wedding proposal ng Pangulo.

Pero anu't-anuman ang tatahakin ng namumulaklak nilang relasyon, handa na si Grace sa 360 degrees na pagbabago sa buhay ng kanyang pamilya.

“At least whatever we have right now will serve as an inspiration to a lot of people out there,” sabi ni Grace.

Tila maaga naman ang Valentine’s date ni Grace dahil sa pagdiriwang ng birthday ni PNoy sa February 8.

“What can you give the President, right? It’s so difficult. But I’m brewing something up. Surprise na lang,” sabi ni Grace. -- Mario Dumaual, Patrol ng Pilipino

Share your views