PNoy, malihim sa plano para sa Valentine’s Day

Pinalibutan ng mga lalaki ang host na si Grace Lee sa fashion show. Trending pa rin ang Korean host dahil sa pagkakaugnay sa bachelor president na si Benigno Aquino III.

“I’m pretty surprised because I didn’t think they were going to pick it up this fast, and I didn’t know that it’s going to make such a big impact,” sabi ni Lee.

Positibo naman ang pagtanggap ng showbiz community sa relasyon.

“Good luck. Sana po ay ito na,” sabi ni Vhong Navarro.

Pati na si Batangas Governor Vilma Santos, hiling na maging masaya ang kaarawan at Valentine’s ni PNoy.

“I will be praying for you, and at the same time your love life. Keep it hot and fiery! Sana naman ma-inspire ka naman pagdating sa puso. Happy birthday,” aniya.

Sa Huwebes marami pang gustong sabihin si Ate Vi sa nakatakda nilang private meeting ng presidente.

“Sana ma-inspire na iyong presidente natin, dahil good timing ang meeting ko sa kanya. Sabi nga ni Kristeta, good timing because our president is very inspired,” sabi ni Ate Vi.

Nakaabang na rin ang Malacañang press sa Valentine’s plan ng Presidente.

“Puwede bang abangan na lang natin kung may mangyayari doon o wala? Kaysa magplano na baka wala. Happy Valentine’s sa inyong lahat,” sabi ni PNoy.

Tungkol sa pagpipista sa namumuong relasyon, may apela lang si Grace sa publiko.

“Let us grow this relationship for now. Privacy sana, a little bit of it, so the president and I can enjoy and develop what we have right now,” aniya.

Sa huli, pilit mang magsawalang-kibo ang dalawa, tiyak pa ring bubuntututan sina PNoy at Grace ng media at publiko. Mario Dumaual, Patrol ng Pilipino

Share your views