Richard Gutierrez, kinasuhan ni Nadia

Kinasuhan ngayon ni Nadia ng harassment at unjust vexation ang anak ni Annabelle na si Richard Gutierrez.

Ayon kay Nadia, nakatanggap siya kamakailan ng masasakit at bastos na text messages mula kay Richard.

Inakusahan din ni Nadia ng unprofessionalism si Richard dahil sa hindi pagbanggit umano ng TV host ng pangalan ng anak niyang si Yna Asistio sa isang TV show kung saan sila magkasama.

Ipinagtanggol naman ni Annabelle ang anak na labas daw sa iringan nila ni Nadia.

"We can get a hundred people who text you with that number. It's your line. Stop -- don't deny it," ani Nadia. "Ang anak ko na nga binastos, ako pa ang tinext ng kabastusan ni Richard. Too much na ang bullying."

Sabi naman ni Annabelle, "Wala sa idiot board. Wala naman pangalan 'yung babanggitin niya, 'di ba? Eh ba't siya magwe-waste of time sa mga starlet? Hindi dapat gano'n. Wala siyang (Richard) nakikitang kasama [siya] sa show."

Share your views