Mall date kasama si Jun Jun Binay, itinanggi ni Kris

Intriga ang sumalubong sa basketbolistang si James Yap pagdating niya mula sa dalawang linggong bakasyon sa US nitong Linggo.

Sumambulat sa kanya ang isyu ng pakikipag-date umano ng asawang si Kris Aquino kay Makati Mayor Junjun Binay.

Giit ni Kris, nagkataon lamang ang pagkikita nila ni Mayor Binay sa mall. Ang kasama niyang manood ng sine ay ang komedyanteng si Vice Ganda. Kasama din nila sina Josh at Baby James.

“It just so happened na si Mayor Junjun was also there with his family. Nag-hello sa akin ang lumabas na nagmo-malling na kami. You know in my position right now, may tumabi lang sa ‘kin at mag-hello lang sa akin biglang nagagawan na ng kuwento na hindi talaga totoo,” ani Kris.

Dagdag ni Kris hindi ganoon kadali ang makipag-relasyon muli. Hihintayin daw muna niya ang desisyon ng kanyang petisyon.

“Hindi talaga handa ang mga anak ko, most especially Bimby... Not until I’m annulled. Ayoko namang dagdagan ang problema ni Presidente,” paliwanag ni Kris.

Nang tanungin naman si James kung handa na rin siya sa bagong pag-ibig: “Makahanap ng ibang pag-ibig, hindi ganoon kabilis.”

Hindi man magtagumpay bilang mag-asawa, susubukan daw ng magkabilang kampo na maging mabuting magulang. – Marie Lozano, Patrol ng Pilipino

Share your views