Pinuno ng 3 TV networks, sumalang sa maiinit na tanong sa Ad Congress
Nasa CamSur ang tatlong respetadong pinuno ng mga TV networks at nasalang sa "hot seat" ang tatlo kaugnay sa samu’t saring isyu sa networks, advertising at kahit showbiz na intriga.
Makasaysayang pagkakataon sa larangan ng TV broadcasting ang pagsasama ngayong araw sa isang entablado ng pinuno ng 3 giant TV networks sa bansa sa 22nd Advertising Congress.
Highlight ng 4-day event ang talumpati nina ABS-CBN Chairman and CEO Eugenio Lopez III, GMA Network Chairman at CEO Atty. Felipe Gozon at TV5 Chairman Manny Pangilinan.
Ibinahagi nila ang kani-kanilang pananaw tungkol sa mga hamon ng industriya, sa kompetisyon ng networks at kinabukasan ng TV broadcasting.
“Like Paquiao, TV is at a crossroad. So he has to reinvent himself,” sabi ni Gozon.
Sabi naman ni Pangilinan, “The digital tsunami is coming. So, join me in greeting it: ‘Dito na me.’”
Para naman kay Lopez, “Going into the future, we are encouraged by our strong heritage in content that affirm, that inspire. We are confident because we believe that technology only follows where the human spirit wants to go.”
Ayon kay ABS-CBN Chairman Gabby Lopez, pinaninindigan ng Kapamilya network ang magbigay serbisyo sa mga Pilipino.
Giit niya, “The future of media is unknown, we still know where ABS-CBN will go, that is because we have a guiding light: ‘In the service of the Filipino.’”
Pasok naman sa temang 'Change the Game' ng Ad Congress ang kakaibang question and answer portion na hindi inatrasan ng mga TV chairmen.
No holds barred ang tanungan portion.
Ang TV chiefs, ginisa ng anchors mula sa kabilang istasyon.
Walang kagatol-gatol naman ang ibinatong tanong ni “TV Patrol” anchor Korina Sanchez kay Atty. Gozon ng GMA-7.
Korina: “Who is number 1 today?”
Gozon: “As far as we are concerned, definitely, it’s GMA-7.”
Korina: “I’m very surprised to hear that from you. By the way, number 1, where?”
Mike Enriquez: “How long do you intend to stay number 3?”
Pangilinan: “Well, that’s today, that’s not in the future.”
Meron din namang tanong na pang-showbiz.
Luchi Cruz-Valdez: “Is Sharon Cuneta really leaving ABS-CBN to move to TV5?”
Lopez: “I don’t know. Maybe we should ask the other channel.”
Ibinahagi rin ni Chairman Lopez ang plano niya sa kumpanya.
“I’ve been in this business over 25 years, but it’s all I’ve ever wanted, and it’s all I wanted to do. I believe it is an honor and a privilege to work in a company that puts public service at the center, as its reason for being. So, for me, and for the people in our network, working at ABS-CBN is not a job. It’s a calling.”
Sa huli, ipinakita ng tatlong pinuno na ang "friendly competition" ay para mapataas pa ang antas at kalidad ng mga programa at paglilingkod sa bawat Pilipino.
