Prosekusyon, nagigisa dahil sa "small lady"
Pebrero 2 nang iabot umano kay Congressman Umali ng isang maliit na babae ang mga dokumento kaugnay ng bank accounts ni Chief Justice Corona.
Ang mga dokumento ay naging dahilan para mag-isyu ng subpoena ang Senate impeachment court sa bank accounts ni Corona.
Pero kahapon, sinabi ni Senador Sotto na walang "small lady" base sa Senate CCTV camera.
Pinagpapaliwanag ng Senado ang prosekusyon, lalo na't sinabi din ni PSBank manager Annabelle Tiongson na peke ang mga dokumento.
Pinaninindigan naman ni Umali ang kanyang storya.
"To be fair with me and in the interest of fairness, I want to see the CCTV footage. I don't even know whether this building is fully-wired in the sense that the building is fully-covered by CCTV. So I can refresh my memory,” sabi ni Umali.
Nasabon tuloy ang prosekusyon kanina.
Para kay Senador Miriam Defensor Santiago, ni hindi dapat humingi ng subpoena ang prosekusyon sa Senate impeachment court.
"One, I heard someone who I can't identify say something. Two, I read it in the media. It's my duty to bring it to the attention of the court. Duty my foot. It's not your duty. It is your liability," sabi ni Santiago.
Nagbabala din si Santiago sa prosekusyon.
Aniya hindi biro ang magsumite ng mga pekeng dokumento.
"An administrative case is a case for disbarment. Ganoon katindi kapag nagbigay ka ng pekeng dokumento, pekeng testimonya sa korte," dagdag ni Santiago.
Sangayon dito ang legal analyst na si Atty. Adel Tamano.
Bukod sa disbarment, maaaring ma-contempt, maharap sa perjury o kaya'y paalisin ng impeachment court si Umali bilang prosecutor kung mapapatunayang nagsinungaling siya tungkol sa kung paano nakuha ang mga dokumento.
Samantala, inako naman ni Senate President Juan Ponce Enrile ang pag-isyu ng subpoena para sa bank documents.
"This presiding officer assumes full responsibility for issuing that subpoena and is ready to defend his position in any court of law if there is a need for it. I will not pass the buck to the Senate sitting as an impeachment court," sabi ni Enrile.
Pinagsusumite na ng impeachment court ang magkabilang panig ng memorandum sa mga argumentong ito. RG Cruz, Patrol ng Pilipino
Share your views
Umali + s = Alis
Dapat kay umali ay umalis na bilang prosecutor. Sabi nila kahit not guilty si Corona basa narin ang papel.
Si Umali ay may pending case sa umbudsman kaya basa narin ang kanyang papel. Isama mo na si tupas at quimbo dahil sila din mayroong mga pending case. Mayroon pa ba silang natitirang credibility?