Ilang opisyal ng gobyerno, nagkairingan dahil sa WikiLeaks
Si Major General Juancho Sabban, galit sa sinabi umano ni dating Defense Secretary Gilbert Teodoro kay dating US Ambassador Kristie Kenney na kumita siya umano sa pagkidnap ng Abu Sayyaf sa International Committee of the Red Cross (ICRC) workers noong 2009.
“Remember, I was relieved temporarily. Because I didn’t want to negotiate. I was sent somewhere else so that the negotiations will push through which I really didn’t want,” sabi ni Sabban.
Lalo pang nagalit si Sabban sa nakalathala sa cable info na ambisyoso siya umano ayon kay Teodoro.
“Who is ambitious? Didn't he run for President? Di ba siya ‘yung may ambisyon?” sabi ni Sabban.
Nagkasagutan naman sina dating Pangulong Fidel V. Ramos at Senador Miriam Santiago sa pagbubunyag ng WikiLeaks na tumanggap si FVR ng P5 milyong kontribyusyon mula kay Libyan leader Moammar Gaddafi noong kampanya ng 1998. Gusto kasi itong paimbestigahan ng senadora.
Sagot ni FVR, dapat mag-testify sa Senado si Gaddafi.
Hamon naman ni Santiago sa dati niyang katunggali, hulihin ang Libyan leader.
May 2,000 cable info na inilathala ang WikiLeaks mula sa US embassy dito at libo-libo pa mula sa iba’t ibang parte ng mundo. Ces Oreña-Drilon, Patrol ng Pilipino
09/07/2011 10:18 PM
